आवाज कोकणचा / प्रतिनिधि 

 गौ रक्षक सुरजभैय्या यांना समाज गौरव पुरस्कार

दिनांक १२/११/२०११

              खामगांव: गौ सेवेत रुग्ण सेवेत सदैव अग्रेसर राहणाऱ्या एकनिष्ठा फाऊंडेशनचे संस्थापक अध्यक्ष सुरजभैय्या एस यादव यांना दिनांक ११ नोव्हेंबर रोजी पुणे येथे समाज गौरव पुरस्काराने सम्मानित करण्यात आले. राजमाता बहुउद्देशीय सामाजिक सेवाभावी संस्था लातूर या सामाजिक संस्थेने अन्य क्षेत्रात उल्लेखनीय काम करणाऱ्या समाज सेवकांचा सन्मान कार्यक्रम घेऊन त्यांच्या कार्याला प्रोत्साहन दिले. 

यासाठी उल्लेखनीय कामगिरी करणाऱ्या समाज सेवकांना पुरस्काराने सन्मानित करण्यात आले  संत तुकाराम नगर मेट्रो स्टेशन पिंपरी जुना मुंबई पुणे रोड येथे हा सोहळा आयोजित केलेला होता या प्रसंगी मान्यवरांच्या हस्ते हा सन्मान करण्यात आला. संस्थेचे अध्यक्ष बालाजीभैया जाधव संस्थेच्या महाराष्ट्र प्रदेश  महिला अध्यक्षा कल्पना काटकर मैडम सुचित्रा अहिरे मैडम आणि संस्थेचे पदाधिकारी यांनी या सोहळ्याचे आयोजन केले होते. एकनिष्ठा फाऊंडेशन खामगांवचे महाराष्ट्रात वैद्यकीय आरोग्य सेवा गौसेवा रक्तसेवा अपंग दिव्यांगासाठी कार्यरत असलेले संस्थापक श्री सुरजभैय्या यादव यांना समाज गौरव पुरस्कार देऊन त्याच्या कार्याचा उचित गौरव करण्यात आला. सत्काराला उत्तर देताना सुरजभैय्या यादव यांनी कृतज्ञता व्यक्त केली. या प्रसंगी नारायण शिरगांवकर सहाय्यक पोलीस आयुक्त पुणे जिल्हा, रविंद्रजी मिर्लेकर शिवसेना माजी आमदार, अभय दादा भोर उद्योजक पुणे, वसंत सुतार मुंबई केईम हॉस्पिटल समाज विकास अधिकारी, यशवंत यादव पुणे आदी मान्यवरांच्या उपस्थितीत हा सोहळा पार पडला अशी माहिती सिद्धेश्वर निर्मळ यांनी दिली.