आवाज कोकणचा / उरण

पुजा चव्हाण / प्रतिनिधी 

 जेएनपीटी ने करोडे रुपये खर्च करून तयार केलेल्या कचरा विघटन केंद्रातून येतोय फक्त धूर .

.......................................................................................

                करोडो रुपये खर्च करून जेएनपीटीने उभारलेले कचरा विघटन केंद्र सध्या जोरदार चर्चेमध्ये आहे, कारण हे कचरा विघटन केंद्र ,केंद्र आहे की धूर काढण्याचे केंद्र आहे असा संतप्त सवाल इथल्या परिसरातून सध्या होत आहे या धुरामुळे नागरिकांच्या आरोग्याला धोका आहे त्यामुळे यामध्ये साला कुछ तो गडबड है, असे बोले देखील जात आहे. देशाचे सर्वात महत्त्वाचे आणि मोठे बंदर म्हणून जेएनपीटीकडे पाहिले जाते .

             बंदराची खाजगीकरणाकडे टप्प्याटप्प्याने वाटचाल सुरू असून जेएनपीटीचे नाव ही पुढे बदलण्यात येणार असल्याचे बोले जात आहे . यापुढे या बंदराची ओळख जेएनपीटी अशी असणार नसून जे ऐन पी ऐ , अशी ओळख असणार आहे .असो तर या बंदरात काम करणाऱ्या कामगारांसाठी जेएनपीटीने वसाहत उभारलेले आहे या वसाहतीतील सांडपाण्याच्या व कचऱ्याचा त्रास बाजूच्या परिसरातील गावांना होत आहे .आता तर सध्या या कचऱ्याचे विघटन न करता तो थेट जाळला जात असल्याने यातून येणाऱ्या धुराचा त्रास बाजूच्या गावांना होत आहे. मोठे मोठे कचऱ्याचे ढीग विघटन केंद्रात विघटन न करता सरळ सरळ जाळले जात आहे . या कचऱ्याच्या ढिगाट प्लास्टिक कागद असल्याने आरोग्याच घातक असा धूर बाहेर पडत आहे . या धुरामुळे नागरिकांचे आरोग्य धोक्यात आले आहे . त्यामुळे करोडो रुपये खर्च करून बनवलेल्या कचरा विघटन केंद्राची चौकशी व्हावी अशी मागणी जोर धरू लागलेली आहे.