आवाज कोकणचा / प्रतिनिधि

पहिल्या मर्दानी स्पोर्ट्स नॅशनल चॅम्पियनशिप स्पर्धेचे शिर्डी मध्ये आयोजन. 

         वर्ल्ड मर्दानी स्पोर्ट फेडरेशन व मर्दानी स्पोर्ट्स फेडरेशन ऑफ इंडिया यांच्या अंतर्गत मर्दानी स्पोर्ट्स असोसिएशन ऑफ इंडिया महाराष्ट्र यांनी दिनांक 13 ते 15 जानेवारी रोजी पंच परीक्षा व स्पर्धेचे आयोजन केले होते. या स्पर्धेसाठी आमंत्रित प्रमुख पाहुणे वर्ल्ड मर्दानी स्पोर्ट फेडरेशन चे अध्यक्ष श्रीमंत युवराज संभाजी राजे छत्रपती व इंडिया च्या चेअरमन श्रीमंत युवराधीनी संयोगिता राजे छत्रपती होते.

             मर्दानी स्पोर्ट्स असोसिएशन ऑफ महाराष्ट्र या संस्थेचे राष्ट्रीय अध्यक्ष मा. श्री. दिलीप कुमार सिंग, राष्ट्रीय सचिव मा.श्री. संतोष खंदारे, अध्यक्ष प्रशांत मोहिते, प्रमुख प्रशिक्षक अमित गडांकुश सर,यांनी ही संस्था चालू करण्यामागचे उद्दिष्टे व्यक्त करताना सांगितले की, श्रीमंत श्री छत्रपती शिवाजी महाराज यांच्या काळातले जी काही शस्त्र किंवा माती मधले काही खेळ , हे फक्त ऐकण्यामध्ये आहे.

                प्रत्यक्षात ह्या शस्त्रांची किंवा खेळांची बऱ्याच साऱ्या जनतेला माहिती नाही आणि ह्या शस्त्रांचे आणि खेळांची माहिती करून देण्यासाठी आपल्या महाराष्ट्राची शान म्हणून या संस्थेच्या साह्याने जागतिक स्तरापर्यंत खेळाला पोहोचवण्याचे पूर्णपणे प्रयत्न करू असे सांगण्यात आले. 

               या पंच परीक्षा व स्पर्धेसाठी कर्नाटका, आंध्र प्रदेश, तेलंगणा,गुजरात, दिल्ली, राजस्थान, चंदीगड, उत्तर प्रदेश, पॉंडिचेरी,गोवा दादरा आणि नगर हवेली, मध्यप्रदेश, केरला, तामिळनाडू, आणि महाराष्ट्र अशा 15 राज्यातील स्पर्धकांनी भाग घेतला होता. महाराष्ट्र राज्यातून शैलेश ठाकूर, अक्षय जाधव, प्रशांत झेंडे, श्रेया कटके,मानसी भाबल, सानिका ठाकूर, दिव्या पाटील, रीताशा सुर्वे, पियुष धायगुडे, आकांक्षा ठोकले. यांनी पंच परीक्षेमध्ये प्रथम श्रेणीमध्ये पास होऊन महाराष्ट्राचे नाव उंचावले. तसेच (श्रेया कटके, रीताशा सुर्वे, पियुष धायगुडे, यश कोरडे. सुवर्ण पदक )(दिव्या पाटील, आकांक्षा ठोकले, वैभव खराडे. रजत पदक )( सानिका ठाकूर, आशय बागडे, विशाल  बोराटे याला रौप्यपदक. कास्यपदक ) महाराष्ट्रासाठी मिळवून दिले.