आवाज कोकणचा / प्रतीनिधी

विधवा व निराधार महिलांना भेंडखळ ग्रामपंचायतिचा आधार

उरण ( पूजा चव्हाण )

उरण तालुक्यातील भेंडखळ ग्रामपंचायतींचे विद्यमान सरपंच सो.मंजिता मिलिंद पाटील.यांनी आपल्या पदाचा कार्यभाग स्वीकारल्यानंतर ग्रामपंचायतच्या पहिल्या मासिक सभेत ग्रामपंचायत उपसरपंच सर्व सन्माननीय सदस्य यांना विश्वासात घेऊन भेडखळ ग्रामपंचायत हद्दीत विधवा महिलांकरिता एक विशेष कार्यक्रम ग्रामपंचायतच्या माध्यमातून राबवून त्यांना आर्थिक आधार मिळावा याकरिता ग्रामपंचायतीच्या उत्पन्नाच्या १५% मागासवर्गीय व इतर खर्चातून निधी वाटप करण्याचे ठरवले,व त्यानुसार प्रत्येक विधवा महिलेस आर्थिक आधार मिळावा.या उद्देशाने ग्रामपंचायतीच्या फंडातून दिनांक १७ /४/२०२३ रोजी एक ऐतिहासिक उपक्रम ग्रामपंचायत हद्दीतील प्रत्येक विधवा महिलाच आर्थिक रक्कम रुपये ६००० इतकी अनुदान रूपाने देऊन गावातील एकूण १७२ विधवा व निराधार महिलांना गौरवण्यात आले.

सदर कार्यक्रमास माननीय सरपंच सौ.मंजिता मिलिंद पाटील. उपसरपंच सौ. संगीता मेघशाम भगत. ग्रामपंचायत सदस्य श्री. अजित वासुदेव ठाकूर. श्री. दीपक दामोदर ठाकूर. श्री.अभिजीत देवानंद ठाकूर. श्री.निलेशवर गजानन भगत. सौ. स्वाती महिंद्र घरत. सौ. सोनाली कौस्तुभ ठाकूर. सौ. शितल जीवन ठाकूर.सौ स्वाती संतोष पाटील. सौ.अक्षता अनिल ठाकूर. श्रीमती.प्राची गणेश पाटील. व ग्रामविकास अधिकारी श्री. दिलीप महादेव तुरे. ग्रामपंचायत कर्मचारी सौ.निशा प्रफुल वशेणीकर. श्रीमती .हेमलता यशवंत मते. यांनी उपस्थित राहून यावेळी मोलाचे कसं कार्य केले .ग्रामपंचायतीच्या माध्यमातून अनुदान उपलब्ध करून विधवा महिलांना आर्थिक आधार देणारी भेंडखळ ग्रामपंचायत ही रायगड जिल्ह्यामधील उरण तालुक्यातील पहिली ग्रामपंचायत ठरलेली आहे. सरपंच पदाची सूत्रे हाती घेतल्यानंतर ग्रामपंचायतीचे उपसरपंच व ग्रामपंचायत सदस्य यांना विश्वासात घेऊन ग्रामपंचायतच्या पहिल्याच निर्णयाने दुर्बल घटकांना आधार मिळवून दिल्याबद्दल भेंडखळ ग्रामपंचायतीची सर्व स्तरावर अभिनंदन त्यांचा वर्षाव केला जात आहे.