आवाज कोकणचा नवी मुंबई

प्रतिनिधि

पत्रकार उत्कर्ष समिती महाराष्ट्र अंतर्गत स्थापित महिला उत्कर्ष समितीच्या कार्याध्यक्षा सौ.श्रुती सतिश उरणकर राज्यस्तरीय ”राजमाता जिजाऊ” गौरव पुरस्काराने सन्मानित

जनजागृती सेवा संस्था(रजि.) या सामाजिक संस्थेच्यावतीने ८ मार्च या जागतिक महिला दिनाचे औचित्य साधून बदलापूर येथील माहेरवाशीण संस्थेच्या प्रांगणात राज्यस्तरीय राजमाता जिजाऊ गौरव पुरस्कार वितरण सोहळा आयोजित करण्यात आला होता.यावेळी विविध प्रतिभावंत महिलांचा गौरव करण्यात आला.

सतत समाजसेवेचा ध्यास असणा-या, समाजासाठी असामान्य कामगिरी करणा-या ७५ हुन अधिक पुरस्कार प्राप्त रणरागीणी श्रुती उरणकर या पत्रकार उत्कर्ष समिती महाराष्ट्र अंतर्गत स्थापित महिला उत्कर्ष समितीच्या कार्याध्यक्षा म्हणून कार्यरत आहेत. 

जनजागृती सेवा संस्थेने आयोजित केलेल्या राज्यस्तरीय पुरस्कार वितरण सोहळ्यात कार्यक्रमाचे प्रमुख पाहुणे महानगर विकास कृती समितीचे अध्यक्ष डाॅ.अमितकुमार गोविलकर यांच्या हस्ते राज्यस्तरीय ”राजमाता जिजाऊ गौरव पुरस्कार” समारंभपूर्वक प्रदान करण्यात आला. श्रुती उरणकर या नामदेव शिंपी समाज मंडळ डोंबिवली, भाजपा महिला मोर्चा उपाध्यक्षा, डोंबिवली पुर्व मंडळ, जनजागृती सेवा संस्था, संचालिका-तेजस एंटरप्रायझेस, आधार इंडिया संस्था, ग्लोबल मालवणी कोकण-मुंबई, गणेश मंदिर संस्था डोंबिवली, क्षणभर विश्रांती, अशा विविध संस्थांवर पदाधिकारी म्हणून कार्यरत आहेत.

राजमाता जिजाऊ गौरव पुरस्कार वितरण सोहळ्यास प्रमुख पाहुणे म्हणून वीरांगना ट्रस्टच्या फाऊंडर प्रेसिडेन्ट उमा सिंह, इंटरनॅशनल जलतरणपटू , धावपटू, सायक्लीस्ट निता बोरसे, माहेरवाशिण संस्थेच्या संस्थापिका प्रभाताई शिर्के, शिक्षण व सामाजिक क्षेत्रात कार्यरत,शाळा व महाविद्यालयांमध्ये वक्ता म्हणून प्रसिद्ध असणा-या आरती बनसोडे, अन्टीपायरसी सेलचे मुख्य तपासी अधिकारी रामजित गुप्ता उपस्थित होते. श्रुती उरणकर यांना राज्यस्तरीय राजमाता जिजाऊ गौरव पुरस्कार मिळाल्याबद्दल त्यांचे सर्वत्र कौतुक व अभिनंदन होत आहे.

पत्रकार उत्कर्ष समिती अध्यक्ष डॉ. अशोक म्हात्रे व पदाधिकारी तसेच महिला उत्कर्ष समिती अध्यक्षा डॉ स्मिता पाटील, उपाध्यक्षा आरती पाटील, सचिव ऍड. दिव्या लोकरे, कोकण अध्यक्ष ज्योतिका हरयान, सिंधुदूर्ग अध्यक्ष दीपा ताटे , नवी मुंबई अध्यक्ष सुजाता कडु, नवी मुंबई कार्याध्यक्ष वर्षा लोकरे, मुंबई अध्यक्ष डॉ. संपदा कारेकर, पुणे अध्यक्षा ज्योती गायकवाड, अकोला अध्यक्ष सुनीता इंगळे यांच्यासह सर्व सदस्य व पदाधिकाऱ्यां तर्फे त्यांचे अभिनंदन करण्यात आले.