आवाज कोकणचा / अलिबाग

राजेंद्र होलकर 

महावितरण विरोधात झिराड विभागातील ग्रामस्थ आक्रमक...

 अलिबाग- ग्रुप ग्रामपंचायत मान तर्फे झिराड ह्या गावातील विदयुत दबाव कमी असल्याने गावातील ग्रामस्थ त्रस्त होते त्या बाबतच्या अनेक लेखी तक्रारी देखील महावितरण कार्यालय अलिबाग येथे करण्यात आल्या मात्र, ह्या बाबतची कोणतीही दखल घेतली गेली नाही. विद्युत पुरवठ्याच्या अनियमितते मुळे गावातील वातावरण तणावाचे बनले, अनेक ग्रामस्थांच्या घरातील विद्युत पुरवठा कमी जास्त होत असल्याने विद्युत उपकरणे कायमची नादुरुस्त झाली. त्यामुळे ग्रामस्थांचे आर्थिक व मानसिक नुकसान झाले आहे. सदर बाब लक्ष्यात घेऊन गावातील सुशिक्षित तरुणांनी एकत्र येऊन सर्व ग्रामस्थाना विश्वासात घेतले व महावितरण कार्यालय अलिबाग येथे मोर्चा काढला व  ग्रामपंच्यात मान तर्फे झिराड मार्फत विद्युत पुरवठा सुरळीत होई पर्यंत कोणतेही विद्युत बिल ग्रामस्थ भरणार नसल्याचे रीतसर पत्र महावितरण कार्यालय अलिबाग येथे सादर करण्यात आले.

सदर कामाची दखल घेऊन महावितरण कार्यालय अलिबाग यांनी शक्य होईल तेवढ्या लवकर विद्युत पुरवठा सुरळीत करण्यासाठी आश्वासित करून कामास सुरवात केलेली आहे.

गावातील सर्व तरुणांनी एकत्रित येऊन केलेल्या कार्याचे कौतूक हे सर्वत्र होत आहे.