फायनान्स कंपनीच्या जाचाला कंटाळून करंजा येथील युवक प्रथमेश देसाईने केली आत्महत्या.

फायनान्सचा हप्ता भरला नाही म्हणून एमएएस (मास ) फायनान्स कंपनीने नियुक्त केलेल्या कर्मचाऱ्यांनी  व त्याच्या हुकूमशाही वागण्याने जीव गमावला लागला याला जबाबदार कोण जनतेचा प्रश्न ?

आत्महत्येस कारणीभूत ठरलेल्या एमएएस (मास )फायनान्स बँकेवर त्वरित गुन्हा नोंदवून पीडित कुटुंबाला न्याय देण्याची जनतेची मागणी 

आरबीआयच्या नियमांचे एमएएस (मास ) फायनान्स बँके कडुन उघडपणे उल्लंघन 

आता शासन एमएएस फायनान्स बँकेवर कोणती कारवाई करते याकडे सर्वांचे लक्ष.

उद्योगपतींचे कर्ज माफ होतात मात्र गोर गरिबांना त्रास का दिला जातो ? सर्वसामान्य जनतेचा सरकारला सवाल 

उरण दि ७ वार्ताहर ( पूजा चव्हाण )

खाजगी बँकांकडून वाहन खरेदीसाठी कर्ज दिले जाते असेच कर्ज घेतलेल्या उरण तालुक्यतील  वृषाली विलास देसाई यांच्या नावे दिनांक ०९ नोव्हेंबर २०२२ रोजी १५,०००/- (पंधरा हजार रूपये मात्र) डाऊन पेमेंट देऊन  मोटारसायकल कर्जाने घेण्यात आली. दरमहा हप्ता ३,७८८/- होता. आतापर्यंत १६ हप्ते नियमितपणे भरले होते. गाडीची किंमत होती १,०८,०००/ - (अक्षरी रुपये एक लाख आठ हजार मात्र) होती. आतापर्यंत रुपये ७५,६०८/- (अक्षरी रुपये पंचाहत्तर हजार सहाशे आठ मात्र) भरले होते. अंदाजे ३२,०८६/- (अक्षरी रुपये बत्तीस हजार श्याऐंशी मात्र) बाकी होती.केवळ बत्तीस हजार रुपयांच्या वसुलीसाठी कंपनीचे एजेंट अशोक सावंत, दिलीप सिंग यांचे धमकीचे फोन करंजा येथील युवक प्रथमेश देसाई याला यायचे.

सदर घटना ही समस्त कर्जदारांसाठी जीवघेणी ठरली आहे. एमएएस (मास ) फायनान्स बँकेने वारंवार त्रास व मानसिक छळ केल्याने करंजा येथील प्रथमेश देसाई या मुलाने आत्महत्या केली आहे. कोणतेही चूक नसताना एका निष्पाप मुलाला आत्महत्या करावे लागले आहे. त्यामुळे आत्महत्या केलेल्या मुलाच्या आई वडिलांना जबर धक्का बसला आहे. मुलगा अचानक गेल्याने आई वडील व त्यांच्या कुटुंबियांवर दुःखाचाडोंगर कोसळला आहे.

या घटनेमुळे सर्वत्र हळहळ व्यक्त केले जात आहे. मात्र अन्यायकारक पद्धतीने देसाई याचा मृत्यू झाल्याने  पोलीसांनी या घटनेची सखोल चौकशी करून गुन्हेगारांना आणि एमएएस (मास )फायनान्स कंपनीच्या संचालकांना तात्काळ अटक करावी अशी मागणी प्रथमेश देसाई याच्या आई वडिलांसह जनतेतून केली जाऊ लागली आहे.

 प्रथमेश विलास देसाई जेएनपी. पोर्ट  (एन.एस.आय. सी.टी.) येथे कामाला होता. त्याला महिन्याला रुपये १३,०००/- (अक्षरी रुपये तेरा हजार मात्र) पगार होता. त्यातून तो दरमहा कंपनीस कर्ज हप्ता जी.पे. (गुगल पे) करायचा.नियमितपणे हप्ते भरायचा तरी मात्र एमएएस (मास )फायनान्स बँकेने अन्यायकारक पद्धतीने त्याचा मानसिक  छळ केल्यामुळे त्याने आत्महत्याचे शेवटचे पाऊल उचलले याला सर्वस्वीपणे एमएएस (मास)फायनान्स बँकेचे संचालक व कर्मचारी जबाबदार आहेत. त्यांना अटक करून, गुन्हा नोंदवून त्यांच्यावर कठोरात कठोर कारवाई करावी अशी मागणी प्रथमेश देसाई याची आई वृषाली देसाई, वडिल विलास देसाई यांनी केली आहे.

गाडी आईच्या नांवे होती. आई उरण मोरा रोड वरील नगराज इंटरनॅशनल स्कूल, बोरी रोड येथे शिपाई म्हणून काम करीत आहे.तर वडील विलास देसाई हे दैनिक वृत्तपत्र विकायचे काम उरण मध्ये करतात. मोठे भाऊ हर्षल विलास देसाई, वय-२८ वर्षे, गणपती बनविण्याच्या कारखान्यात कामगार आहेत. एका सर्वसामान्य कष्टकरी परिवाराच्या मुलास रात्री-बेरात्री सारख्या धमक्यामुळे बेजार करण्यात आले आहे. व राहत्या घराच्या बाजूजवळील विहीरीवर सर्वांसमक्ष त्या गाडीबाबत अपमानित केले. त्यावेळी गावातील महिला व नागरिक उपस्थित होते त्याची गाडी दारातून धमकीने व जबरदस्तीने बुधवार दि. ०४-१२-२०२४ रोजी सायंकाळी ४.०० वाजता खेचून नेली. तेव्हां त्याचा मनावर आघात झाला व त्यांनी ५.३० ते ६.०० वा. दरम्यान गळफास लावून आत्महत्या केली आहे.ही दुर्दैवी घटना आहे.ज्यावेळी ही घटना घडली तेंव्हा प्रथमेश जवळ कोणीही नातेवाईक नव्हते. तो एकटाच घरी होता. मात्र फायनान्स बँकेचे मनमानी कारभार व त्रास देण्या संदर्भातील सर्व व्हॅटसअप मेसेज आपल्याकडे उपलब्ध आहे. पोलीसांनी ती ताब्यात घेऊन तात्काळ गुन्हा नोंदवावी अशी मागणी आई वडील यांनी प्रशासनाकडे केली आहे.