आवाज कोकणचा / नवी मुंबई

उरण वार्ताहर - पुजा चव्हाण

उरण मध्ये तीन वर्षाच्या चिमुरडीवर लैंगिक अत्याचार आरोपीला कठोरात कठोर शिक्षा देण्याची महिला उत्कर्ष समितीची मागणी...

        यशश्री शिंदे कांडा मधून उरणकर सावरतात  न सावरतात तोच उरण मोरा फड न.5 मध्ये वास्तव्यास असणाऱ्या 3 वर्षाच्या चिमुरडीवर तिच्या शेजारी राहणाऱ्या विकृत मनोवृत्तीच्या नराधमाने लैंगिक अत्याचार केल्याच्या घटनेने संपूर्ण उरण हादरून गेले आहे. लैंगिकअत्याचार करणाऱ्या आरोपीला कठोरात कठोर शिक्षा व्हावी अशी मागणी महिला उत्कर्ष समितीने केली असून सदरची घटना उरण मोरा येथील फड न.5 मोहन स्टोर, सिंडीकेट बँकेच्या जवळील डोंगरावर असणाऱ्या झोपडपट्टी परिसरात घडली आहे.

     

या कामी मुलीच्या आईने उरण - मोरा सागरी पोलीस ठाण्यात फिर्याद दिली असून फिर्यादीत तिने म्हटले आहे की माझे पती, दोन मुलगे अनुक्रमे वय 10 व 9 वर्षाची मुले , 3 वर्षाची मुलगी व सासरे असा परिवार एकत्रितपणे राहतो.  13 जानेवारीस मी मुलीला सकाळी  शेजारच्या अंगणवाडीत 11 वाजण्याच्या सुमारास सोडली व दुपारी 1 वाजता  तिला घरी आणली असल्याचे तिने आपल्या फिर्यादी मध्ये नोदविले आहे.

   

  त्यानंतर आई घरातील कपडे धुण्यासाठी  घरात गेली परंतु मुलगी अंगणात खेळण्यासाठी जाण्या करिता रडू लागली. ती बाहेर जाऊ नये म्हणून दाराला प्लायवुड  लाऊन अडकून ठेवले . मुलगी जोरजोरात का रडते त्यामुळे त्यांचा शेजारी राहणारा दिनेश नितेकर (50) हा तेथे आला व मुलगी रडण्याचे कारण त्यांनी विचारले व मुलीला त्यांनी खेळण्या साठी अंगणात सोडले.  थोड्या वेळातआई काम आटोपून आली अंगणात मुलगी दिसत नाही म्हणून तिने दिनेश नितेकर याल मुली संदर्भात विचारण केली असता मुलगी गल्लीत खेळत असल्याचे त्यांनी सांगितले आईने गल्लीत शोध घेतला परंतु मुलगी दिसत नसल्याने तिने दिनेश नितेकर यास पुन्हा विचारणा केली असता मुलगी संडासाच्या दरवाज्य जवळ असल्याचे तो म्हणाला,. 

      आई मुलीला आणण्या साठी गेली असता मुलगी घाबरून आईला बिलगून जोरजोरात रडू लागली आईने उचलून तिला घरी आणले त्यानंतर तिला ताप भरला म्हणून उरण मधील अभिनव चाईल्ड केअर क्लिनिक मध्ये नेले असता तेथील डॉ.अजय कोळी यानी तापावरऔषध देऊन घरी जाण्यास सांगितले परंतु तीन दिवसा नंतरही ताप उतरला नाही त्यानंतर मुलीने दिनेश काकाने शूच्या जागी हात लावल्याचे सांगितले, त्यामुळे मुलीला उरण मघील गाडे हॉस्पिटल मध्ये नेले असता श्री रोग तज्ञ डॉ.प्रीती गाडे यांनी तिची पूर्ण तपासणी करून गुप्तअंगावर जखमा असल्याचे लेखी पत्रच दिले त्यानंतर आईच्या पायाखालची  वाळू सरकली व तिने थेट मोरा  सागरी पोलीस ठाणे गाठून या बाबत दिनेश निवेतकर याच्या विरोधात फिर्याद नोंदविली. तूर्तास आरोपी पोलिसांच्या ताब्यात आहे

     त्या अनुषगाने मोरा सागरी पोलीस ठाण्यात भारतीय न्याय संहिता 2023 कलाम 62(2), बालकांचे लैंगिक अपराधा पासून संरक्षण अधीनियम 2012 कलम-4 बालकांचे लैंगिक अपराधा पासून संरक्षण अधीनियम 2012 कलम-6 प्रमाणे गुंन्हा दाखल करण्यात आला आहे या संदर्भात मोरा सागरी पोलीस ठाण्याचे पोलीस अधिक तपास करीत आहेत.