आवाज कोकणचा / नवी मुंबई

पनवेल - प्रतिनिधी

 पत्रकार उत्कर्ष समिती महाराष्ट्रच्या रायगड जिल्हाध्यक्षपदी वरिष्ठ पत्रकार मिलिंद खारपाटील यांची निवड 

पत्रकार उत्कर्ष समिती रायगड जिल्हाध्यक्ष पदी आवाज महामुंबईचा या  चॅनेल चे संपादक श्री मिलिंद खारपाटील यांची निवड करण्यात आली आहे.

रविवार दिनांक 13 एप्रिल रोजी शासकीय विश्रामगृह पनवेल येथे रायगड जिल्ह्यातील पत्रकार परिषदेत पत्रकार उत्कर्ष समिती चे महाराष्ट्र अध्यक्ष डॉ.श्री अशोक म्हात्रे यांनी घोषणा करून त्यांना निवडपत्र दिले. श्री मिलिंद खारपाटील हे

गेल्या 36 वर्षात अनेक वृत्तपत्रात निर्भीडपणे पत्रकारितेचे काम करत आहेत.

बुलंद आवाज, किनारपट्टी, रामप्रहर, कर्नाळा ,किल्ले रायगड , पुण्यनगरी, आपले  साम्राज्य, कोकण टाइम्स,उरण टाईम्स आवाज कोकणचा या वृत्तपत्रात पत्रकार म्हणून, साप्ताहिक श्रमजीवी मध्ये सहसंपादक आणि साप्ताहिक श्रमशक्ती मध्ये त्यांनी कार्यकारी संपादक म्हणून काम केले आहे. मी 24 तास, शिवसत्ता या यू ट्यूब वाहिनी मध्ये पत्रकार , महामुंबई 24 बाय 7 मध्ये संपादक म्हणून काम केले आहे. सध्या आवाज  महामुंबईचा चॅनेल चे संपादक आणि मालक आहेत.

त्यांच्या लेखणीतून अन्यायाला वाचा फोडण्याचे, कोकण पर्यटन साठी विशेष प्रयत्न केले आहेत. अनेक धार्मिक कार्यक्रमाला उपस्थित राहून  हिंदू जनजागृती साठी ते विशेष प्रयत्नशील असतात. विविध सामाजिक संघटनाचे ते पदाधिकारी असून अनेक सामाजिक उपक्रमाची माहिती जनतेपर्यंत  पोहचविण्याचे ते काम करत असतात. छत्रपती उदयनराजे भोसले सामाजिक विकास संस्थेचे ते पर्यटन विभाग प्रमुख असून प्रत्येक सहलीत छत्रपती शिवाजी महाराजांचा किमान  एक किल्ला पाहतात. रयतेचे राजे आणि हिंदवी स्वराज्याचे संस्थापक छत्रपती शिवाजी महाराजांचा इतिहास आणि त्यांची शिकवण जनतेपर्यंत पोहचण्यासाठी ते सतत मग्न असतात.

पत्रकारिता आणि गड किल्ले मोहीम यासाठी त्यांचा अनेक वेळा सन्मान झाला असून त्यांच्या निवडीचे संपूर्ण रायगड जिल्ह्यात अभिनंदन करण्यात येत आहे