आवाज कोकणचा / नवी मुंबई

प्रतिनिधी /  उरण 

  स्वतंत्र भारताचा ७९ वा स्वातंत्र्य दिवस रायगड जिल्हा परिषद प्राथमिक शाळा नवघर येथे उत्साहात  साजरा ....

रायगड जिल्हा प्राथमिक शाळा नवघर येथे ७९ वा स्वातंत्र्य दिवस उत्साहात साजरा करण्यात आला.  सदर ध्वजारोहण ग्रामपंचायत सदस्य सौ प्रियदर्शनी अविनाश म्हात्रे यांच्या हस्ते करण्यात आले तसेच ग्रामपंचायत नवघर येथील ध्वजारोहण  ग्रामपंचायत नवघरच्या सरपंच सौं. सविता नितीन मढवी यांच्या हस्ते करण्यात आले.

त्यानंतर प्राथमिक शाळा नवघर मधील विद्यार्थ्यांची बाल सभा आयोजित करण्यात आली  या सभेचे अध्यक्ष स्थान सौ प्रियदर्शनी अविनाश म्हात्रे यांनी भूषविले. बालसभा संपल्यानंतर रायगड जिल्हा परिषद प्राथमिक शाळा नवघर नवीन इमारत बांधकाम चालू आहे त्या इमारतीमधील दोन वर्ग जीडीएल कंपनीच्या सीएसआर फंडातून पूर्ण झाले त्या वर्गाचे उद्घाटन तात्पुरत्या साध्या स्वरूपात करून शाळेतील विद्यार्थ्यांना बसण्यासाठी गैरसोय होत असल्यामुळे आणि शिक्षकांना शिकविताना अडचण येत असल्यामुळे त्यांना हे दोन वर्ग   वापरासाठी देण्यात आले.या दोन वर्गाचे उद्घाटन शिवसेना जिल्हाप्रमुख माजी आमदार श्री मनोहर शेठ भोईर यांच्या हस्ते करण्यात आले.

त्यानंतर सर्व मान्यवरांचे स्वागत करण्यात आले. कार्यक्रमाची सुरुवात रायगड जिल्हा परिषद शाळा नवघरच्या विद्यार्थ्यांनी सुमधुर ईशस्तवन व स्वागत गीताने सर्वाना मंत्रमुग्ध केले.त्यानंतर शाळेतील उपशिक्षक श्री. अनिल म्हात्रे यांनी प्रास्ताविक केले.याप्रसंगी  मनोगत व्यक्त करताना माजी आमदार श्री. मनोहरशेठ भोईर यांनी सांगितले कि शाळा हे गावाचे भूषण असतें त्यामुळे गावात एक शाळा असायला पाहिजे त्यासाठी सर्वांनी राजकीय चपला बाजूला ठेवून  शाळेची इमारत कशी पूर्ण होईल यासाठी प्रयत्न करावे तसेच पाचव्या वर्गखोलीसाठी लागणारे स्टील व सिमेंट देण्याचे आश्वासन दिले.

तसेच प्रमुख पाहुणे म्हणून उरण पंचायत समितीचे माजी उपसभापती श्री महादेवजी बंडा, गटशिक्षणाधिकारी सौं. निर्मला घरत  मॅडम,श्री. विश्वास तांडेल माजी उपसरपंच नवघर यांनी आपले मनोगत व्यक्त केले. या कार्यक्रमाप्रसंगी सरपंच सौ सविता मढवी,उपसरपंच सौ संध्या पाटील,  श्री दिनेश बंडा,श्री कुंदन कडू, श्री रत्नाकर चौगुले, सौ प्रियदर्शनी म्हात्रे,सौ कविता पाटील, सेवानिवृत्त शिक्षक श्री भारत पाटील सर,श्री राजा पाटील सर, सामाजिक कार्यकर्ते श्री मच्छिंद्र घरत, कुंडेगाव शाखाप्रमुख श्री नंदकुमार चौगुले, शिवसेना शाखाप्रमुख नवघर श्री अविनाश म्हात्रे, श्री रवी शेठ पाटील, श्री नितीन मढवी, श्री महावीर पाटील,श्री विजय भोईर, श्री विजय तांडेल, उपशाखाप्रमुख श्री विशाल डाके व  श्री शशिकांत तांडेल, श्री संतोष शेठ पाटील,श्री संतोष घरत, श्री रघुनाथ तांडेल,श्री योगेश म्हात्रे, श्री समाधान तांडेल, प्राथमिक शाळा नवघर  मुख्याध्यापिका सौ. उषा गावंड मॅडम, श्री अनिल म्हात्रे सर, श्री प्रकाश जोशी सर, श्री प्रसाद म्हात्रे सर, श्री गणेश गावंड सर, श्रीम. सरिता गोरे मॅडम तसेच शाळा व्यवस्थापण समितीचे अध्यक्ष सौ. अनिता करांडे व सर्व सदस्य, विद्यार्थी उपस्थित होते. यावेळी नवघर गावातील कु. रीत अविनाश म्हात्रे हिचा आज १५ वा वाढदिवसानिमित्त शाळेतील वर्गांना भिंतीवरचे घड्याळ तसेच शिक्षकांना शालेय वस्तू भेट म्हणून देण्यात आले   हा कार्यक्रम ग्रामपंचायत नवघर आणि शाला व्यवस्थापन समिती यांच्यातर्फे करण्यात आला.