आवाज कोकणचा / नवी मुंबई
प्रतिनिधी
उलवे येथून हरवलेल्या सुशील कालराचा तपास पो. ह . जान्हवी गावित यांच्याकडे
नवी मुंबईतील उलवे शहर झपाट्याने विकसित होत असतानाच वाढणाऱ्या लोकसंख्येमुळे छोट्या-मोठ्या घटनांमध्ये सुद्धा वाढ झाल्याचे दिसून येते . अशीच एक घटना 15 सप्टेंबर रोजी घडून आल्याचे उलवे पोलीस ठाणे येथे नमुद झाले आहे .
उलवे येथील रहिवाशी अशोक कालरा यांचा मुलगा सुशील कालरा वय अंदाजे 41 वर्ष हा इसम आपल्या बहिणी वाशी येथे जातो असे सांगून घरातून निघाला परंतु तो वाशी येथे पोहचला नसल्याचे तसेच आजपर्यंत उलवे येथील घरी परत आला नसल्याचे तक्रारदार वडील अशोक कालरा यांनी उलवे पोलीस ठाणे येथे दाखल केलेल्या तक्रारीत म्हटले आहे.
या हरवलेल्या व्यक्तीचा शोध घेण्यासाठी उलवे पोलीस ठाण्याच्या महिला पोलीस हवालदार जान्हवी गावित यांच्याकडे तपास सुपूर्द करण्यात आला असून त्या या हरवलेल्या व्यक्तीचा शोध कसोशीने घेत आहेत.
Comments
Post a Comment