आवाज कोकणचा / नवी मुंबई
शेलघर येथे सुखकर्ता बंगल्यावर दिवाळी पहाट व लास्ट स्टॉप खांदा या मराठी चित्रपटाचे प्रमोशन...
उलवे / पुजा चव्हाण
नवी मुंबई विभागातील उलवे शेलघर येथील यमुना सामाजिक, शैक्षणिक संस्थेच्या वतीने दरवर्षीप्रमाणे यावर्षीही लक्ष्मीपूजनाच्या दिवशी मंगळवारी (ता.२१) रोजी सुखकर्ता बंगल्यावर दिवाळी पहाट या कार्यक्रमाचे आयोजन करण्यात आले होते. यात इंडियन आयडल चे सागर म्हात्रे, होऊ दे धिंगाणा फेम विनल देशमुख, सुर नवा, ध्यास नवाची श्वेता ठाकूर व तृप्ती दामले या सर्वांनी दिवाळी पहाट कार्यक्रमात रंगत आणली. गायिका श्वेता ठाकुर यांनी दिवाळी पहाट कार्यक्रमात एका पेक्षा एक अशी सरस गीते सादर करत, रसिक प्रेक्षकांची मने जिंकली.
प्रसिद्ध निवेदिका दर्शना माळी यांच्या निवेदनाने रसिक प्रेक्षकांना भुरळ घातली होती. दरम्यान लास्ट टॉप खांदा या 21 नोव्हेंबर रोजी प्रदर्शित होणाऱ्या तरुण पिढीने बनवलेल्या मराठी चित्रपटातील कलाकारांची टीम या कार्यक्रमाचे आकर्षण ठरली.
यावेळी या चित्रपटातील कलाकारांनी चित्रपटाविषयी विशेष माहिती दिली.
विशेषता: प्रथमच प्रकाशित केलेल्या सुखकर्ता या दिवाळी अंकाचे प्रकाशन मान्यवरांच्या हस्ते करण्यात आले. त्यानंतर पत्रकार परिषद घेण्यात आली. आंतरराष्ट्रीय कामगार नेते तथा कॉंग्रेसचे जिल्हाध्यक्ष महेंद्रशेठ घरत यांनी सुमारे तीन दशकांपासून सुरू केलेली पत्रकार परिषदेची परंपरा, मोठ्या प्रमाणावर उपस्थित असलेल्या पत्रकारांच्या खास उपस्थितीत जपण्यातआली. पत्रकार परिषदेत कामगारांसाठी वर्षभरात केलेले करार आणि बोनस या विषयीची माहिती देण्यात आली. याप्रसंगी रायगड जिल्हाध्यक्ष महेंद्रशेठ घरत, शुभांगीताई घरत, पी.के.रामण, सरचिटणीस वैभव पाटील, किरीट पाटील, ज्येष्ठ पत्रकार माधव पाटील, ज्येष्ठ पत्रकार दा. चा. कडू, रेखा घरत, विनोद म्हात्रे तसेच अन्य मान्यवर उपस्थित होते.
Comments
Post a Comment