आवाज कोकणचा / नवी मुंबई

महिला उत्कर्ष समिती पुणे उपाध्यक्षपदी मनीषा नलावडे यांची निवड....

प्रतिनिधी / पुणे 

समाजातील सर्व स्तरातून त्यांच्यावर होत आहे अभिनंदनाचा वर्षाव...

पत्रकार उत्कर्ष समिती या राज्यस्तरीय पत्रकारांच्या समिती अंतर्गत स्थापित महिला उत्कर्ष समितीच्या पुणे उपाध्यक्षपदी येथील सामाजिक कार्यकर्त्या मनीषा नलावडे यांची नवी मुंबई येथे झालेल्या सभेमध्ये पत्रकार उत्कर्ष समिती प्रदेश अध्यक्ष डॉ.  अशोक म्हात्रे यांच्या उपस्थितीत निवड करण्यात आली.

महिलांवरील वाढते अत्याचार, अन्याय,  घरगुती हिंसा यामुळे भारतीय कुटुंब व्यवस्था ढासळली असल्याचे सध्या पहावयास मिळते. अनेक ठिकाणी महिलांवर कौटुंबिक अत्याचार केले जातात अत्याचाराच्या घटनांमध्येही वाढ झालेली दिसते अशा वेळी महिला उत्कर्ष समितीमार्फत पीडित महिलांना मार्गदर्शन व  सहकार्य करण्याचे काम महिला उत्कर्ष समिती करत असते. 

महिला आर्थिक दृष्ट्या सक्षम व्हावी , समाजात तिला मानाचे उच्च स्थान प्राप्त व्हावे यासाठी समितीमार्फत नेहमीच विविध उपक्रम राबवले जातात.

यावेळी महिला उत्कर्ष समिती प्रदेश सचिव एडवोकेट दिव्या लोकरे नवी मुंबई उपाध्यक्ष विजया निमसे यांच्यासह महिला उत्कर्ष समितीच्या स्थानिक पदाधिकारी व सदस्य उपस्थित होत्या. 

मनीषा नलावडे यांच्या या निवडीमुळे समाजातील विविध स्तरातून त्यांच्यावर अभिनंदनचा वर्षाव होत आहे .