आवाज कोकणचा  / सिंधुदुर्ग 

प्रतिनिधि 

प्रतिभा वराळे यांची सिंधुदुर्ग उपजिल्हाधिकारीपदी  पदोन्नती...

पत्रकार उत्कर्ष समितीने सन्मानित केलेल्या राजापूर  तालुक्याच्या तत्कालिन तहसीलदार प्रतिभा वराळे यांची उपजिल्हाधिकारी म्हणून पदोन्नती झाली असून त्यांची नियुक्ती सिंधुदुर्ग जिल्हाधिकारी कार्यालयात उपजिल्हाधिकारी महसूल जनरल म्हणून करण्यात आली आहे. 

सन २०१७ ते २०२१ या काळात त्या राजापूर येथे तहसिलदार म्हणून कार्यरत होत्या. या काळात त्यांनी प्रभावी प्रशासन, नागरिकाभिमुख भूमिका व शासकीय योजनांची परिणामकारक अंमलबजावणी करून आपली वेगळी छाप उमटवली.

 कोरोना काळात त्यांनी उत्तम काम केले. त्यानंतर २०२१ ते २०२४ दरम्यान त्यांनी गुहागर येथे तहसिलदार म्हणून कार्य केले. तर २०२४ पासून आतापर्यंत त्या मुंबई महानगर प्रदेश विकास प्राधिकरणात (एमएमआरडीए) मेट्रो प्रकल्पासाठी भू संपादन अधिकारी म्हणून कार्यरत होत्या. राजापूर तालुक्यातील त्यांच्या कार्यकाळात अनेक प्रलंबित प्रशासकीय विषय मार्गी लागले, तर नागरीकांच्या तक्रारींना संवेदनशीलतेने हाताळत त्यांनी प्रशासन व जनतेतील विश्वास दृढ केला. त्यांच्या या कार्याची दखल घेत राज्य शासनाने त्यांना उपजिल्हाधिकारी पदावर पदोन्नती दिली आहे. प्रतिभा वराळे यांच्या पदोन्नतीबद्दल राजापूर तालुक्यातील नागरिक, सहकारी अधिकारी व कर्मचारीवर्गातून त्यांचे अभिनंदन करण्यात येत आहे.