आवाज कोकणचा / नवी मुंबई 

इंडियन ऑइल अदानी व्हेंचर लिमिटेड (IOAVL) मध्ये मोटार स्पिरीट लिक्विड तेलाची गळती..

          बेलापूर आणि उरण दरम्यान उपनगरीय रेल्वे सेवा काही काळासाठी बंद...

पूजा चव्हाण

    भोपाळयेथे झालेल्यावायू गळतीला सुमारे41 वर्षाचा कालावधी झाला, येथील युनियन साद्रसदारकार्बाइडच्या कारखान्या मधील वायुगळतिचे थरार आणि अनुभव भोपळवासिंनी अनुभवला आहे. काहीशा फरकाने उरण तालुका याच मार्गावर आहे. ओएनजीसी, बीपीसीएल, जेएनपीटी परिसरातील खनिज तेलाचे, नैसर्गिक वायूचे, घातक रसायनांचे थरार अजून उरणकरांना अनुभवायचे आहेत. डोळ्यावर अर्थपूर्ण झापडे बसवून जनतेच्या जीवाशी खेळ खेळून आपला स्वार्थ साधणारे शासनाचे अधिअकारी, आपत्कालीन सेवेचे  अधिकारी पर्यावरण नियंत्रण महामंडळाचे अधिकारी, औद्योगिक सुरक्षा विभागाचे अधिकारी आणि वन खात्याचे अधिकारी यांचा सुरु असणारा लाचारपणा उरणकरांनीडोळ्यांनी पाहावयाचा आहे, परंतु तो कधी ?  या आपत्ती नंतर तुम्ही जिवंत असाल तर ? भोपाळ कांडा मध्ये मृत व्यक्तींची प्रेते तरी सापडली पण उरणमध्येअग्नी कांड झालेच तर तुमचा आमचा झालेला कोळसाही सापडणार नाही याची जाणीव आपणा सर्वांना असायला हवी. तरी सुद्धा शासकीय यंत्रणेचे अधिकारी म्हणतात उरण ऑल इज वेल.    

  

         उरण मध्ये वरउल्लेख केलेले अनेक कारखाने कंपन्या  आणि कन्टेनर गोदामे आजही रसायनाने भरलेली आहेत अनेक प्रकारची ज्वालाग्रही रसायने  पैट्रोलियाम पदार्थाच्या, रासायनिक द्रव्याच्या, एलपीजी गॅस पाईप लाईनउघड्यावर आहेत अनेक वेळा या पाईप लाईन्स टॅपिंग करून अनेक रसायनाच्या चोऱ्या झाल्या आहेत तर कधी पाईप लाईन  सडल्यामुळे लिकेज झाल्या आहेत आज दि 12 नोव्हेंबर 2025 रोजी सकाळी 05 वाजण्याच्या सुमारास  खारकोपर आणि उरण दरम्यान खांब क्रमांक52/34-36 (न्हावा शेवा रेल्वे स्टेशनजवळ) येथे 24 इंची व्यासाची मोटरगाड्या साठी वापरण्यात येणाऱ्या फ्युयल स्पिरिटची पाईप लाईन फुटल्यामुळे, परिसरात घबराट निर्माण झाली.सदरची  पाईप लाईन रेल्वे लाईनला 12 मीटर समांतर जात असल्याने.खबरदारीची उपाय योजना म्हणून उरण-बेलापूर दरम्यान उपनगरीय रेल्वेगाड्यांची वाहतूक पुढील आदेशापर्यंत रात्री 11:30 वाजेपर्यंत पूर्णपणे थांबवण्यात आली आहे. 

           इंडियन ऑइल अदानी व्हेंचर लिमिटेड (IOAVL) ला सकाळी 05:00 वाजता पाईपलाईन मध्ये गळती झाल्याचे लक्षात आले जेएनपीटी बंदरातील पाइपलाइनचे काम थांबवण्यात आले. बीपीसीएल लिक्विड जेट्टी येथील जहाजातून आयओएव्हीएल टँक फार्म, धुतूम येथे मोटर स्पिरिट उतरवले जात होते. इंडियन ऑइल अदानी व्हेंचर लिमिटेडच्या टीमने दुपारी 2 वाजता गळतीचे ठिकाण शोधून काढले आणि     उपाययोजना सुरू केल्या आहेत.सादर घटनेची माहिती मिळताच सिडको अग्निशमन दलाच्या दोन व ओएनजीसी अग्निशमन दलाची एक गाडीघटना स्थळी दाखल झाली सिडको द्रोणागीरीच्या अग्निशमन दलाचे प्रमुख अमित कांबळे यंच्या मार्गदर्शनाखाली पसरलेल्या लिक्विड मोटारस्पिरीट रसायनावर फोम मारून  आगप्रतीबंधक उपाय योजना करण्यात आली परिस्थिती नियंत्रणात असल्याचे समजते.