आवाज कोकणचा / नवी मुंबई छत्रपती शिवाजी महाराज विद्यापीठ, नवी मुंबई आणि विवेक विद्यापीठ, बिजनौर यांच्यात ऐतिहासिक शैक्षणिक सहकार्य करार (MoU) – उच्च शिक्षणाच्या क्षेत्रात नवे क्षितिज उघडणार पनवेल / प्रतिनिधी उच्च शिक्षण, संशोधन, नवोन्मेष आणि विद्यार्थ्यांच्या सर्वांगीण विकासाच्या दिशेने एक ऐतिहासिक पाऊल उचलत छत्रपती शिवाजी महाराज विद्यापीठ (CSMU), नवी मुंबई आणि विवेक विद्यापीठ, बिजनौर (उत्तर प्रदेश) या दोन प्रगतिशील विद्यापीठांदरम्यान एक शैक्षणिक सहकार्य करार (Memorandum of Understanding – MoU) स्वाक्षरीत करण्यात आला आहे. या MoU च्या माध्यमातून दोन्ही संस्थांमध्ये विद्यार्थी व प्राध्यापक आदान–प्रदान कार्यक्रम, संयुक्त कार्यशाळा, परिसंवाद, परिषद, संशोधन प्रकल्प आणि प्लेसमेंट उपक्रम राबविण्यात येणार आहेत. याशिवाय या करारामुळे दोन्ही विद्यापीठांना संशोधनाच्या नव्या दिशा शोधणे, नवोन्मेषी प्रकल्प विकसित करणे आणि उद्योग–शिक्षण यांच्यातील दुवा मजबूत करणे शक्य होणार आहे. समारंभाच्या प्रसंगी बोलताना प्रा. (डॉ.) आर. पी. शर्मा, कुलसचिव, CSMU यांनी सांगितले की या सहकार्यामुळे दोन्ही विद्...